चौदण्डीगढी नगरपालिकामा स्वागत छ |

    संघिय नेपालनको १ नम्वर प्रदेशमा पर्ने १४ वटा जिल्लाहरु मध्ये उदयपुर जिल्ला भित्री मधेशमा पर्दछ । उदयपुर जिल्लामा रहेका ४ वटा नगरपालिका र ४ वटा गाउँपालिका मध्ये चौदण्डीगढी नगरपालिका वेलका नगरपालिका भन्दा पश्चिम, त्रियुगा नगरपालिका भन्दा पुर्वमा पर्दछ । यस नगरपालिकाको उत्तरमा सुनकोसी ( खोटाड. जिल्लाको वराह पोखरी र जन्तेढुंगा गाउँपालिका, भोजपुर जिल्लाको आम चोक गाउँपालिका ) पर्दछ भने दक्षिण सिमानामा पर्दछ भने दक्षिणमा २ नम्वर प्रदेशको सप्तरी जिल्लामा पर्दछ । मिति २०७१।०१।३१ को मन्त्रिपरिषद्को निर्णय अनुसार साविक वेल्टार र वसाहा गा.वि.स. समेटेर वेल्टार वसाहा नगरपालिका वनेको थियो भने राज्य पुर्नसंरचनाको क्रममा नेपाल सरकारको मिति २०७३।११।१७ को स्थानीय तहको घोषणवाट साविक वेल्टार वसाहा नगरपालिका र चौदण्डी, सिद्धिपुर, सुन्दरपुर र हडिया गाविस मिलाएर चौदण्डीगढी नगरपालिका भएको हो , जम्मा १० वटा वडा रहेको यस नगरपालिकाको कार्यालय वेल्टार वजारमा रहेको छ । उत्तरतर्फ महाभारत सृखला, दक्षिण तर्फ चुरे क्षेत्र र वीचको भूभाग समथर भएको यो नगरपालिकामा समुन्द्री सतहवाट १३८ मिटर देखि १००० मिटर उचाई सम्म रहेको छ । २६  ४१  २६ उत्तरी अक्षांस देखि २६०     ५४  २७ उत्तरी अक्षांस सम्म र ८६  ४६  ०७ पुर्वी देसान्तर देखि ८६  ५९  ३५ पुर्वी देशान्तर मा अवस्थित यस नगरपालिकाको कुल क्षेत्रफल२८३.७८ वर्ग कि.मी. रहेको छ । जम्मा घरधुरी संख्या१०५३९ भएको यस नगरपालिकामा २६४९२ महिला र २२०८२ पुरुष गरी कुल ४८५७४ जनसंख्या रहेको छ भने राई, मगर, तामांग, चौधरी, व्रहमाण, क्षेत्री, नवार, कामी, दमाई, सार्की, भुजेल,माझी, सेर्पा, गुरुड., मुसहर, दनुवार, वानिया, तेली, मण्डल, यादव, चुरौटे आदि जनजातीको मिश्रीत वसोवास रहेको छ ।
    ऐतिहासिक स्थल चौदण्डीगढीको स्थापना मकवानपुर राज्य विभाजन भएर भएको हो । मकवानपुरमा राजा मंगलसेनका छोरा जगतजंग सेनले चौदण्डीगढी दरवार वनाएर राज्य खडा गरेका थिए । वि.सं १७८० तिर ४ जना राजाहरुले राज्य चलाएका चौदण्डीगढी पनि विशाल नेपालमा विलय भएको थियो । समग्रमा चौदण्डीगढी ऐतिहासिक, घार्मिक, सांस्कृतिक, प्राकृतिक र पुरातात्विक दृष्टीकोणले अत्यन्त महत्वपूर्ण स्थल भएकै कारण पर्यटकिय स्थलको केन्द्रविन्दू वन्दै गएको छ । चौदण्डीगढी दरवारलाई विश्व सम्पदा सूचीमा सूचिकृतका लागि सिफारिस समेत गरिएको हुनाले ऐतिहासिक, धार्मिक एवं पर्यटकिय महत्वका कारण यस चौदण्डीगढी नगरपालिकाको नामाकरण सर्व स्वीकार्य र स्वागतयोग्य वन्न पुग्यो ।
    उत्तरतर्फ अवस्थित सुनकोसी नदी र दक्षिणमा रहेको त्रियुगा नदी यस नगरपालिकाको प्रचुर जलसम्पादका भण्डार हुन भने हरियाली वनजंगल युक्त यस नगरीमा आयुर्वेदिक जडिवुटी उत्पादन र अध्ययन अनुसन्धान केन्द्र वन्ने सम्भावना पनि उत्तिकै छ । जल, जमिन र जंगल जस्ता प्राकृतिक सम्पदाको भरपुर सदुपयोग साथै संरक्षण गर्दै यस नगरपालिकालाई नमूना नगरपालिका वनाउने निती अवलम्वन गर्नु अपरिहार्य रहेको छ ।